Төслүүд
ТоС Холбооны тогтвортой санхүү, ногоон хөгжлийн доор хэрэгжүүлж буй төслүүдтэй танилцана уу.
Онцлох төсөл
Монголын Ногоон Санхүүгийн Корпораци
МБХ, ТоС Холбоо, ХасБанк, Сангийн яам, БОАЖЯ, УАНС, ДДНХИ зэрэг байгууллагууд хамтран 2016 оноос Монгол Улсад “Ногоон зээлийн сан” байгуулах төслийг санаачлан, Монголын Ногоон Санхүүгийн Корпорацийг 2018 байгуулсан. УАНС, Засгийн газар болон хувийн хэвшлээс нийтдээ 50 сая ам.долларын эх үүсвэрийг амжилттай батлуулж, 2024 онд үйл ажиллагааг нь бүрэн эхлүүлэхээр төлөвлөж байна. МНСК-ийг байгуулснаар Монгол Улсад хүлэмжийн хийн ялгарлыг бууруулах, уур амьсгалын өөрчлөлтөд дасан зохицох чадвартай, тогтвортой хөгжилд хөтлөх санхүүжилтийн тогтолцоо бүрдэх бөгөөд шалгуур хангасан дотоодын санхүүгийн байгууллагуудад бөөний, хөнгөлөлттэй нөхцөлтэй ногоон зээлийн эх үүсвэр олгох юм. Уг ногоон эх үүсвэрээр банк, санхүүгийн байгууллагууд эрчим хүчний хэмнэлттэй технологи, амины орон сууц болон дулаалгын зээлийг эхний ээлжинд санхүүжүүлнэ.
Эдийн Засгийн Ногоон Шилжилт
Энэхүү төсөл нь хүнс, ус ундаа, хөдөө аж ахуйн бүтээгдэхүүн үйлдвэрлэгчдийн ногоон шошгын стандарт, журмыг боловсруулах, шошгожуулах, нөгөө талаас хэрэглэгч нарт ногоон бүтээгдэхүүн худалдан авах урамшууллын системийг бий болгох замаар ногоон эдийн засгийг дэмжих зорилготой юм.
Тэрбум мод сан
Монгол Улсын Ерөнхийлөгчийн санаачилгаар “Тэрбум мод” үндэсний хөдөлгөөнийг уур амьсгалын өөрчлөлт, цөлжилт, хөрсний доройтлыг бууруулах зорилготойгоор хэрэгжүүлж эхлээд байгаа билээ. Энэхүү ажлын хүрээнд Монголбанк, Монголын Банкны Холбооны гишүүн байгууллагуудын санаачилгаар “Тэрбум мод үндэсний хөдөлгөөнийг дэмжих сан”-г 2022 оны 3-р сард үүсгэн байгуулж, ТоС Холбоо уг сангийн менежментийг 1 жи ...
Тойрог эдийн засаг (ТЭЗ) ба ногоон бизнесийн чиглэлд бичил, жижиг дунд бизнес эрхлэгчдийг чадавхжуулах төсөл
Энэхүү төсөл нь БЖДБЭ нарын чадавх бэхжүүлэх хөтөлбөрийг боловсруулж, хэрэгжүүлэх замаар БОАЖЯ-ны ногоон хөгжлийн бодлого төлөвлөлтийн газарт тойрог эдийн засгийн дадал, ойлголт, үзэл баримтлалыг нэвтрүүлэхэд дэмжлэг үзүүлэх үндсэн зорилготой.
Монголын бизнесийн салбарт БОНЗ-ын туршлагыг нэвтрүүлэх/нэгтгэх
Уг хөтөлбөрийн зорилго нь Монгол Улсад уур амьсгалын амлалт, тогтвортой хөгжлийн зорилтуудаа биелүүлэхэд нь дэмжлэг үзүүлэхэд оршино. Үүний дотор ногоон санхүүжилт татахад нь дэмжлэг үзүүлэх тогтвортой хөгжил, хариуцлагатай бизнесийг дэмжих экосистемийг хөгжүүлэх юм.
Бэлэн байдлын хөтөлбөр: Монгол улсын ногоон, тогтвортой санхүүгийн хэрэгжилтийг бэхжүүлэх нь
Худалдаа, хөгжлийн банк, ТоС Холбоо хамтран Уур амьсгалын Ногоон Сан (УАНС)-гийн санхүүжилттэй санхүүгийн салбарын тогтвортой санхүүгийн хэрэгжилтийг нэмэгдүүлэх Бэлэн байдлын хөтөлбөрийг хэрэгжүүлж байна. Энэхүү Бэлэн байдлын хөтөлбөрөөр Монголын санхүүгийн байгууллагуудын байгаль орчин, нийгэм засаглал, уур амьсгалын эрсдэлийн удирдлагын системийг сайжруулах, жендэрийн бодлого, журмын хэрэгжилти ...
Монгол гэрийн халаалт, дулаалга, агааржуулалтын ЧИП багц
Монгол гэрийн халаалт, дулаалга, агаар орчныг үр ашигтай, хүртээмжтэй, инновацлаг нүүрсгүй шийдлээр шийдэх төсөл буюу Монгол гэрийн дулаалга, халаалтын CHIP багцын хэрэглээний хөнгөлөлттэй нөхцөлтэй зээлийг 2019 оноос эхлэн Улаанбаатар хотын Баянзүрх, Сонгинхайрхан дүүргийн болон Баянхонгор, Дундговь, Говь-Алтай, Орхон аймгийн айл өрхүүдэд олгох амжилттай хэрэгжүүлж байна.
Имэйлээ бүртгүүлж мэдээлэл аваарай
© 2023 Тогтвортой Санхүүгийн Холбоо